108 ஆசனங்களை 30 நிமிடத்தில் செய்த குழந்தை மாணவர்கள் - உலக சாதனை புத்தகத்தில் இடம் பிடித்து அசத்தல்...

 

கோவையில் 124 சிறுவர்,சிறுமியர் இணைந்து 108 ஆசனங்களை 30 நிமிடங்களில் தொடர்ந்து செய்து சோழன் உலக சாதனை புத்தகத்தில் இடம் பிடித்துள்ளனர்.உடல் மற்றும் மனம்  ஆரோக்கியமாக இருக்க யோகா செய்வதன் அவசியம் குறித்த விழிப்புணர்வை ஏற்படுத்தும் விதமாக கோவையில் யோகாவில் உலக சாதனை நிகழ்வு நடைபெற்றது..

இதில் மௌண்ட் கார்மல் நர்சரி மற்றும் பிரைமரி பள்ளியில் பயிலும், எல்.கே.ஜி. முதல்  துவங்கி ஐந்தாம் வகுப்பு பயிலும் சிறுவர்,சிறுமிகள் என 124 பேர் இந்த சாதனை நிகழ்வில் கலந்து கொண்டனர்.அதன் படி 108 ஆசனங்களை அனைவரும் இணைந்து 30 நிமிடங்களில் செய்து சோழன் உலக சாதனை புத்தகத்தில் இடம்பிடித்தனர். இதில் வஜ்ராசானம்,சூரிய நமஸ்காரம்,பத்மாசனம், என பத்திற்கும் மேற்பட்ட யோகாசனங்களை சாதனை சிறுவர்கள் தொடர்ந்து செய்தனர்.இதனை கண்ட பெற்றோர்கள் மற்றும் பார்வையாளர்கள் கைகளை தட்டி உற்சாகபடுத்தினர்..

தொடர்ந்து உலக சாதனை புத்தகத்தில் இடம் பிடித்த சாதனையாளர்களுக்கு சோழன் உலக சாதனை புத்தகத்தின் நிறுவனர் முனைவர் நீலமேகம் நிமலன்,மற்றும் பாலமுரளி கிருஷ்ணன் ஆகியோர் பதக்கம்,சான்றிதழ்களை வழங்கி கவுரவித்தனர்.

நாளைய வரலாறு புலனாய்வு இதழின்,,,,

மேலும் பல முக்கிய காணொளி செய்திகள் காண,

Please Subscribe to This Channel to get current news ↓

https://www.youtube.com/channel/UCBXly8ucYf64DrK5QkzMOZQ

-சீனி, போத்தனூர்.