அதிமுக செயலாளர்கள் ஆலோசனை கூட்டம் கிருஷ்ணா நகரில் நடைபெற்றது!!

தூத்துக்குடி வடக்கு மாவட்ட அலுவலகம் கோவில்பட்டி கிருஷ்ணா நகரில் வைத்து தூத்துக்குடி வடக்கு மாவட்டத்திற்கு உட்பட்ட கோவில்பட்டி விளாத்திகுளம் ஓட்டப்பிடாரம் சட்டமன்ற தொகுதிகளின் அதிமுக நகர, ஒன்றிய, பேரூராட்சி செயலாளர்கள் மற்றும் சார்பு அணி மாவட்ட செயலாளர் ஆலோசனை கூட்டம் நடைபெற்றது. 

நாளைய வரலாறு புலனாய்வு இதழின்,,,,
மேலும் பல முக்கிய காணொளி செய்திகள் காண,
Please Subscribe to This Channel to get current news ↓https://www.youtube.com/channel/UCBXly8ucYf64DrK5QkzMOZQ

இக்கூட்டத்தில் தூத்துக்குடி வடக்கு மாவட்ட செயலாளர் முன்னாள் அமைச்சர் கடம்பூர் ராஜூ எம்எல்ஏ கலந்து பல்வேறு ஆலோசனைகளை வழங்கினார். அவர் பேசுகையில் அதிமுக தலைமை அலுவலகத்தில் இருந்து கொடுக்கப்பட்ட உறுப்பினர் உரிமைச் சீட்டுகளைப் பெற்றுச் சென்ற நிர்வாகிகளில் சிலர், சம்பந்தப்பட்ட கட்சி உறுப்பினர்களிடம், உறுப்பினர் அட்டைகள் வழங்கும் பணியை இன்னும் நிறைவு செய்யவில்லை என்ற தகவல் கிடைத்துள்ளது. எனவே, நிர்வாகிகள் அனைவரும் உடனடியாக சம்பந்தப்பட்டவர்களிடம் கட்சி உறுப்பினர் அட்டைகளை ஒப்படைக்குமாறு கேட்டுக் கொள்ளப்படுகிறார்கள். உறுப்பினர் உரிமைச் சீட்டுகளை வழங்கும் பணி நிறைவு பெற்றவுடன், சம்பந்தப்பட்ட நகர,ஒன்றிய, பேரூராட்சி வாரியாக கட்சி செயல்வீரர் ஆலோசனைக் கூட்டங்களுக்கான ஏற்பாடுகளை செய்ய வேண்டும். அதில் கட்சியின் தலைமை செயலாளர்கள், முன்னாள் அமைச்சர்கள் உள்ளிட்ட நிர்வாகிகள் பங்கேற்று ஆலோசனை வழங்க ஏற்பாடு செய்து தரபடும் மேலும் நகரம், ஒன்றியம், பேரூராட்சி உட்பட்ட அளவில் நடைபெறும் கூட்டங்களில் சம்பந்தப்பட்ட பகுதிகளைச் சேர்ந்த எம்.பி., எம்எல்ஏ.க்கள், முன்னாள் எம்.பி., எம்எல்ஏ.க்கள், நகர, ஒன்றிய, பேரூராட்சி மற்றும் மாவட்ட சார்பு அணி செயலாளர்கள் உள்ளிட்ட பல்வேறு நிலைகளில் பணியாற்றி வரும் நிர்வாகிகள், உள்ளாட்சி அமைப்புகளின் பிரதிநிதிகள், கட்சி உறுப்பினர்கள் தவறாமல் கலந்து கொள்ளும் வகையில் ஆலோசனைக் கூட்டங்களுக்கு ஏற்பாடு செய்ய வேண்டும் என பேசினார்.

இந்நிகழ்வில் முன்னாள் சட்டமன்ற உறுப்பினர் சின்னப்பன்‌ நகர செயலாளர் விஜயபாண்டியன், பொதுக்குழு உறுப்பினர் இராமச்சந்திரன், முன்னாள் மாவட்ட ஊராட்சி குழு தலைவர் சத்யா, அனைத்துலக எம்ஜிஆர் மன்ற இணைச் செயலாளர்கள் தெய்வேந்திரன், செங்கான் மாவட்ட இளைஞர் இளம்பெண்கள் பாசறை செயலாளர் எம்ஆர்வி கவியரசன், மாவட்ட வர்த்தக அணி செயலாளர் இராமர், மாவட்ட எம்ஜிஆர் இளைஞரணி செயலாளர் வீரபாண்டி கோபி, மாவட்ட கலைப் பிரிவு செயலாளர் போடுசாமி, மாவட்ட விவசாய அணி செயலாளர் சோலைச்சாமி, மாவட்ட மருத்துவர் அணி செயலாளர் கோசல்ராம், மாநில வழக்கறிஞர் பிரிவு துணை செயலாளர் ஈஸ்வரமூர்த்தி, மாவட்ட இணைச் செயலாளர் பேச்சியம்மாள் மாவட்ட துணை செயலாளர் முருகேஸ்வரி, ஒன்றிய செயலாளர்கள் அன்புராஜ், அழகர்சாமி, பழனிச்சாமி, வண்டானம் கருப்பசாமி, செல்வக்குமார், காந்தி, காமாட்சி, மகேஷ், பால்ராஜ், தனவதி, தனஞ்செயன், பேரூராட்சி செயலாளர்கள் ராஜ்குமார், முத்துராஜ், வாசமுத்து, ஆண்டி, மாரிமுத்து,  நகர் மன்ற உறுப்பினர்கள் செண்பகமூர்த்தி, வள்ளியம்மாள், மாரியப்பன் உள்ளிட்ட பலர் பங்கேற்றனர்

நாளைய வரலாறு செய்திகளுக்காக

தூத்துக்குடி மாவட்ட செய்தியாளர்

-ந.பூங்கோதை.