போதைப்பொருள் புழக்கம்!! கோவையில் கல்லூரி மாணவர்கள் தங்கியுள்ள வீடுகளில் காவல்துறையினர் சோதனை!!!

கோவை மாநகரில் கல்லூரி மாணவர்கள் மத்தியில் போதைப் பொருள் புழக்கம் அதிகரித்துள்ள நிலையில் மாநகரின் பல்வேறு பகுதிகளில் மாணவர்கள் அறை எடுத்து தங்கியிருக்கும் வீடுகளில் தனிப்படை காவல் துறையினர் சோதனை நடத்தி வருகின்றனர். 

நாளைய வரலாறு புலனாய்வு இதழின்,,,,
மேலும் பல முக்கிய காணொளி செய்திகள் காண,
Please Subscribe to This Channel to get current news ↓
https://www.youtube.com/channel/UCBXly8ucYf64DrK5QkzMOZQ

அதன்படி குனியமுத்தூர், ஈச்சனாரி, கோவைபுதூர், பீளமேடு, சரவணம் பட்டி உள்ளிட்ட பகுதிகளில் மாணவர்கள் தனியாக வீடு எடுத்து தங்கி வரும் இடங்களில் சோதனை நடைபெற்று வருவது குறிப்பிடத்தக்கது. 

இளைஞர்கள், கல்லூரி மாணவர்கள் மத்தியில் தற்போது கஞ்சா போன்ற போதைப் பொருள் பழக்கம் அதிகரித்து வருகிறது. இவை இளைய சமுதாயத்தை தவறான பாதைக்கு அழைத்து சென்று விடுகிறது. எனவே போதைப் பொருள் புழக்கத்தை கட்டுப் படுத்த காவல் துறை சார்பில் நடவடிக்கை எடுக்கப்பட்டு வருகிறது. 

அந்த வகையில் கோவை மாவட்டத்தில் போதைப் பொருள் புழக்கம்  அதிகரித்துள்ள நிலையில் கல்லூரி மாணவர்கள் தங்கும் இடங்களில் போலீசார் திடீர் சோதனையில் ஈடுபட்டு வருகின்றனர். 

கோவையில் கல்லூரி மாணவர்கள் தங்கியிருக்கும் பகுதிகளில் போதை பொருள் பயன்படுத்திவிட்டு குற்ற செயல்களில் ஈடுபடுவதாக கோவை போலீசாருக்கு தகவல் கிடைத்துள்ளது. அதன் அடிப்படையில் நூற்றுக்கும் மேற்பட்ட போலீசார் கல்லூரி மாணவர்கள் தங்கி இருக்கும் பல்வேறு இடங்களில் திடீர் சோதனையில் ஈடுபட்டிருக் கின்றனர். 

கல்லூரி மாணவர்கள் தங்கும் இடங்களில் வேறு யாரேனும் தங்கி இருக்கின்றார்களா வேறு ஏதேனும் சட்ட விரோத பயன்பாட்டு பொருட்கள் இருக்கின்றனவா என சோதனை நடைபெற்று வருகிறது 60க்கும் மேற்பட்ட காவல் துறை அதிகாரிகள் மற்றும் காவலர்கள் அதிரடி சோதனையில் ஈடுபட்டு இருக்கின்றனர். பீளமேடு, சரவணம்பட்டி, ஈச்சனாரி, கோவைபுதூர், சரவணம்பட்டி போன்ற பல்வேறு பகுதிகளில் கல்லூரி மாணவர்கள் தங்கி இருக்கும் அறைகளில் அதிகாரிகள் சோதனையில் ஈடுபட்டு வருகின்றனர். 

நாளைய வரலாறு செய்திகளுக்காக 

கோவை மாவட்ட தலைமை நிருபர் 

-சி.ராஜேந்திரன்.