கோவையில் பெண் குழந்தை விற்பனை... !! தாய் உட்பட 3 பேர் கைது!!!

கோவை மாவட்டம் பெரியநாயக்கன் பாளயம் அருகே சின்னகண்ணான் புத்தூரைச் சேர்ந்தவர் ஆதிகணேஷ். இவர் அந்தப் பகுதியில் உள்ள பனியன் நிறுவனத்தில் தொழிலாளியாக பணி புரிந்து வருகிறார். இவருடைய மனைவி நந்தினி (வயது 22). இந்த தம்பதிக்கு மூன்று வயதில் ஆண் குழந்தை இருக்கிறது. 

நாளைய வரலாறு புலனாய்வு இதழின்,,,,
மேலும் பல முக்கிய காணொளி செய்திகள் காண,
Please Subscribe to This Channel to get current news ↓https://www.youtube.com/channel/UCBXly8ucYf64DrK5QkzMOZQ

இந்நிலையில் நந்தினி மீண்டும் கர்ப்பமாகி உள்ளார். இவருக்கு கடந்த 14ம் தேதி மேட்டுப்பாளையம் அரசு மருத்துவமனையில் பெண் குழந்தை பிறந்து உள்ளது. ஆனால், குடும்ப சூழ்நிலை மற்றும் வறுமை காரணமாக தங்களுக்கு பிறந்த பெண் குழந்தையை ஆதிகணேஷ் - நந்தினி தம்பதியினர் விற்க முடிவு செய்து, இதற்காக அவர் இடைத்தரகர்களை தேடி வந்தனர். 

இந்நிலையில் இந்த தம்பதியினர் பெண் குழந்தையை விற்பனை செய்ய நினைத்து இருப்பதை, நந்தினி உடன் வேலை பார்க்கும், கஸ்தூரிபாளையம், சத்யா நகரை சேர்ந்த இடைத்தரகர் தேவிகா என்பவர் அறிந்து, தாய் நந்தினியை அணுகினார். 

தொடர்ந்து கூடலூர் கவுண்டம்பாளையம் மாந்தோப்பைச் சேர்ந்த மகேஸ்வரன் - அனிதா தம்பதிக்கு குழந்தை இல்லாமல் இருப்பதாகவும், அவர்கள் இந்த பெண் குழந்தையை தத்தெடுத்து வளர்க்க ஆசைப்படுகிறார்கள் என்றும் தேவிகா கூறி உள்ளார். குழந்தையை அவர்களிடம் கொடுத்து விடுவதாகவும் கூறியுள்ளார். 

இதை அடுத்து தாய் நந்தினி மற்றும் இடைத்தரகர் தேவிகா ஆகியோர் சேர்ந்து அந்த குழந்தையை அனிதாவிடம் ரூ.1 லட்சத்திற்கு விற்பனை செய்து உள்ளனர். இதற்கான கமிஷனை நந்தினி மற்றும் அனிதாவிடம் தேவிகா பெற்று உள்ளார். 

இந்த சம்பவம் குறித்து ஹெல்ப் லைன் மைய அதிகாரிகள் தகவல் அறிந்து, பெரியநாயக்கன் பாளையம் மகளிர் காவல் நிலையத்தில் புகார் செய்தனர். காவல் துறையினர் வழக்கு பதிவு செய்து குழந்தையை விற்ற தாய் நந்தினி, இடைத்தரகராக செயல்பட்ட தேவிகா, குழந்தையை வாங்கிய அனிதா ஆகிய மூன்று பேரையும் கைது செய்து, பெண் குழந்தையை பாதுகாப்பாக மீட்டனர்.

இதனை தொடர்ந்து, தேவிகா வேறு யாரிடமாவது குழந்தையை வாங்கி விற்பனை செய்து உள்ளாரா என்பது குறித்தும் காவல் துறையினர் விசாரணை மேற்கொண்டு வருகின்றனர். 

நாளைய வரலாறு செய்திகளுக்காக 

கோவை மாவட்ட தலைமை நிருபர் 

-சி.ராஜேந்திரன்.